Hoy Makinig Ka!

Dapat na mayrong tuwid na bisyon ang sang pinuno
Tulad ng kompas na sigurado kung saan patutungo

Ang problemang ating ngayo’y dinaranas
ay hindi malulutas sa parehong kaisipan
nang ito’y ating iniluwal sa kaganapan

Tayo ay kung anuman ang ating ginagawang pauli-ulit
Samakatwid ang kagandahang asal ay gawang di mawaglit
dahil sa paulit-ulit ito na nga ay nakadikit

Ipinunla mong iniisip, aanihin mong gagawin
mga gawang ipinunla, ugali ang mapapala
ipinunlang ugali, katauhan ay matatali
katauhang ipinunla, bunga ay iyo ring tadhana

Maaaring sabihin na ang kaligayahan
ay ang bunga ng iyong adhika’t kagustuhan
at ang kahandaan sa sakripisyong kabayaran
Na iyo ngayong sapilitang pinagtutustusan
para mapitas at malasahan bungang pinaghirapan
at makamit ng tuluyan ang malagong anihan

Ang pag-angat ay napaka-ubod ng hirap
pero pag nasa taas, galamay ng hirap
di ka na basta bastang mayayakap
Ang ibayong pagunlad, hindi na pangarap
dahil ito’ay nakaharap, madali ng malasap

Kung kaya mong ilarawan ng buong linaw ang kamalian ng iba
Ay dahil ikaw rin ay may parehong kamaliang tulad nila.

Kung hindi mo kaya na ang sarili ay ididisiplina
Siguradong gagawin ito para sa yo ng iba.

Ang libro ay isang napakagandang bagay
pero sa mangmang halos wala tong saysay


Maging mabilis makinig, linawan ang pandinig
subalit hinahong tunay sa paggamit ng bibig.

Ang magandang asal ng kahit sinong tao
ay sintido kumon na isinagawa sa wasto

Kung gusto mong maiwasan na walang taong mabuwisit sa yo
Unang una mong gagawin ay isara ang bunganga mo

wala ng ibang nakakabuwisit
sa taong pinag-aralan ay mas maliit
pero ang sintido kumun ay mas lintik

Gawing aral ang kasawian
kaysa ito gawing kapalaluan
sa ibayong pang katangahan

pinag-aralan na nasadlak
sa gumaganang utak
ay karunungang tumpak

Ang kawaisan na hangad mo ay mararating
hanggang hinahanap mo ito ng magaling

Kung tinititigang mapalis, ang oras mo’y tamad na umaalis
Kung ikaw ay nagtratrabahong makinis, ito ay sakdal na bibilis

Ang buhay natin ay parang nagkakalat at nagsantambak na detalye
Ayusin, walisin, itapon ang kalat, piliting gawing simpleng simple

Kung ninanais ang mabangong rosas
Ang tinik ay iwasan bago pumitas

Mag hanapbuhay, hindi lang para mabuhay
kung hindi magkaroon ng buhay

Sa linaw ng pahayag wala ng mas mabisa
sa sinalansan at inayos na piniling salita

ang kunsumisyon at pag-aalala sa mga baka mangyayari
ay walang idudulot kundi hina ng katawan at pagtatai

Ang taong kalyosohan ay sukdulan na
Kung minemenos lang syang basta basta.